U bënë disa ditë tashmë që askush nuk del dot më në pazar pa marrë lejen në emër të familjes. Nga familja mund të marrë lejen për të dalë për të bërë pazarin vetëm një person. Këtu përjashtohen të gjithë ata që janë në punë, pasi kanë autorizimin dhe nuk do të ketë asnjë ndryshim. Rama ka sqaruar më herët se dy janë mënyrat.
E para përmes portalit e-Albania. Çdo qytetar që disponon një kompjuter ose smartphone mund të hyjnë te e-Albania dhe të bëjnë aplikimin.
Ndërsa opsioni i dytë është aplikimi me anë të sms-së në telefon. Ata qytetarë që nuk kanë mundësi të aplikojnë në internet, mund të dërgojnë një mesazh të thjeshtë në numrin: 55155 me tekst: Numri i kartës së identitetit dhe orën e daljes.
Lidhur me masat e marra, kryeministri Rama ka shpërndarë në profilin e tij në Facebook, pamjet nga qytetet e ndryshme të Shqipërisë, ku policia kontrollon qytetarët.
Sikundër duket nga pamjet, shumica e qytetarëve kanë zbatuar rregullat, dhe kanë dalë gjatë orarit të kërkuar.
