Një skenë horror si nëpër filma ka ndodhur në Itali, ku një 47 vjeçar ka tentuar që të vrasë ish-gruan e tij. Ai e kishte mirëmenduar skenën, ndërsa ngjarja ka ndodhur për shkaqe xhelozie. 47-vjeçari ishte i fiksuar dhe xheloz pas gruas së tij.
Shqiptari e kishte ftuar ish-bashkëshorten në shtëpi, me qëllim që ajo të merrte një dokument pune. Më pas kishte marrë një tel elektrik, dhe është përpjekur që ta mbyste atë.
Gruaja 41 vjeçare arriti që ta qetësonte ish-burrin, duke e bindur atë që ta dërgonte në spital me ambulancë, pasi do thoshte se ishte sulmuar nga një i huaj.
Pasi kishte mbërritur në spital, gruaja arriti që t’i bënte mjekët të kuptonin se ishte burri i saj ai që e kishte dhunuar. Ata lajmëruan menjëherë policinë, dhe 47 vjeçari përfundoi pas hekurave.
