Kryeministri Edi Rama ka dhënë sot përgjigje për skenarët e opozitës duke nisur nga janari, duke i dhënë një mesazh të qartë kryedemokratit Lulzim Basha.
“Opozita të bëjë ç’të dojë, një gjë është e sigurte, nuk ka shans të përsëritësh të njëjtën gjë dhe të marrësh rezultat tjetër, opozita i ka provuar të gjitha këto që thotë se do t’i bëjë, le t’i provojë prapë, por të dojë por rezultat ndryshe nuk ka s’ka si të ketë, është përsëritje e një rruge që i dihet fundit. Nuk merret pushteti me bojkote, djegie mandatesh dhe nuk di më, marrëdhënie të kushtëzuara, këto vlejnë për të ngritur një problem, por jo të një lufte politike që zëvendëson votën dhe ngrihet mbi kushtetutën. Edhe ne kemi bërë bojkot, do e bëja prapë po të kthehesha, e kam thënë e përsëris edhe tani që jam në pozicion tjetër, bojkoti nuk është antidemokratik, por ka një çmim që e merr përsipër ai që e bën”- tha Rama.
Ndërsa nga ana tjetër Rama duke folur për reformën në drejtësi është shprehur se propozimet e PS kanë qenë në të njëjtën linjë me ata të BE-së dhe SHBA-së.
“Si ka mundësi që PS ka qenë në një linjë me BE dhe me SHBA-në. PD gjithmonë ka nxjerr diçka.. apo dhe nganjëherë dhe këpucët e stinës”, tha Rama. Kujtojmë që frazën “këpucët e stinës”, Rama i është drejtuar LSI-së, dhe kryetares së saj e cila në seancën e fundit parlamentare ku u zgjodh vetëm me votat e mazhorancës Kryeprokurorja e Përkohshme Arta Marku, Kryemadhi e qëlloi me këpucë. TIRANA TODAY
