Ministrja e Drejtësisë, Etilda Gjonaj, iu përgjigj publikisht akuzave të presidentit Meta, sipas të cilave ajo ka bashkëpunuar për “vjedhjen e anëtarit të Gjykatës Kushtetuese që i përket Presidentit”, duke u shprehur se Meta po reagon kështu nga Reforma në Drejtësi. Ajo ka mohuar akuzat e Presidentit të Republikës se është pjesë të ashtëquajturit ‘grusht shteti’.
Gjonaj tha se akuzat e Metës janë lajthitje që as ai vetë nuk i beson, dhe se me të tilla akuza, thjesht po bën një show politik presidencial, duke dalë jashtë çdo kornize ligjore. Në lidhje me akuzat personale, Gjonaj tha se gjuha e padenjë e përdorur ndaj saj, nuk do t’ia lehtësojë hallet me drejtësinë Metës.
Gjonaj paraqiti me fakte ‘orvatjen e dëshpëruar kundër Reformës në Drejtësi të Metës’, duke sqaruar botimin në fletoren zyrtare, pse ndodhi ditën e shtunë apo akuzat se presidentit i janë marrë të drejtat kushtetuese për emërimin e anëtarit të Gjykatës Kushtetuese.
Nënkryetari i LSI-së, Petrit Vasili ka reaguar menjëherë, duke e paralajmëruar ministren se nuk ka parë gjë akoma. Ai shkruan në një postim në Facebook se ministrja mashtruese falsifikon shkresat.
Statusi
Nuk e mori SPAK-u akoma kete mashtruesen e ministrise se drejtesise!
Akoma pret SPAK- U per ta marre kete.
Akoma s’ka ikur kjo nga syte kembet.
Mashtruesja ministre fallsifikon shkresat me mafiozet e ministrise se drejtesise diten per diell dhe del e kakaris si gjeli mbi pleh.
Mashtruesja firmos rrugaçerira shteterore si e marre se ja kerkon i marri.
Mbahu mashtruese mbahu, nuk ke pare gje akoma…..
Eshte shume e rende kjo histori, nuk eshte pune golash….
Shihi mashtruese edhe nje here fallsifikimet dhe ik sa s’eshte vone!
