Kronikë

Skandali në Pashaliman, rrëfehet ushtaraku: Përse u largova nga vendi i punës

               Publikuar në : 11:34 - 12/01/19 S.N

Zbardhet dëshmia e ushtarakut të ngarkuar për ruajtjen e depos, pas zbulimit të skandalit mbi vjedhjen e repartit ushtarak në Pashaliman.

Gjatë dëshmisë së tij, ushtaraku pranë Policisë Ushtarake në Vlorë, i cili ishte roje mbrëmjen kur ndodhi ngjarja, tha se kishte lëvizur nga vendi i punës pasi kishte pasur ftohtë, për shkak të temperaturave të ulëta.

“Lëviza nga vendi i punës pasi kisha ftohtë. U largova për të shkuar në një vend me ngrohje”, mësohet të ketë thënë ai. Lidhur me ngjarjen në fjalë, ku u vodhën disa armë, janë shoqëruar 5 ushtarakë.

Familjarët e këtyre të fundit shprehen të shqetësuar lidhur me ngjarjen në fjalë, ndërsa kanë akuzuar se ata po trajtohen si kriminelë.

“Po i trajtojnë si kriminelë, nuk po na lënë të takojmë të afërmit tanë”, u shprehën familjarët.

Dje u raportua se në këtë bazë u vodhën 3 automatikë dhe municione të tjera nga baza ushtarake.

Kthehu
WhatsApp Denonco ne TT