Gjatë ndeshjes së futbollit Delvina-Albpetrol të zhvilluar sot në orën 13:30, në stadiumin “Panajot Pano”, Delvinë, një shtetas i ndodhur jashtë stadiumit ka goditur me gurë në drejtim të njërit prej asistentëve të arbitrit.
Bëhet fjalë për Elis Pulaj, i cili është dëmtuar në kokë, dhe është transportuar në spitalin e Sarandës. Po të njëjtat burime zyrtare shtojnë se ai është jashtë rrezikut për jetën.
Policia ka bërë të mundur identifikimin e autorit të ngjarjes, shtetasin me inicialet A. H, i cili është larguar menjëherë nga vendngjarja. Lidhur me këtë rast, policia ka rrethuar zonën dhe vijon krehja për kapjen e autorit.
