Skandalet seksuale me të mitur menjëherë marrin vëmendjen e opinionit publik. Skandalet janë akoma më të forta kur janë në marrëdhënie ndërvarësie si ajo mësues nxënës.
Problemi i madh i abuzimit me fëmijët në shkollë është sepse nxënësit ndjehen të pafuqishëm. Në shumë vende të botës pushteti është akoma i mësuesit.
Nxënësit kanë frikë të raportojnë, gjithashtu shpeshherë janë të manipuluar nga abuzuesit që të mos tregojnë asgjë.
Këto ditë media po ndjek me vëmendje një tjetër rast të abuzimit me fëmijët që po shqyrtohet në gjykatë.
Një mësuese pranoi se kishte kryer marrëdhënie seksuale me një nxënësin e saj. Gjithashtu ajo i kishte fikur nxënësit cigare në trup dhe e kishte kërcënuar atë që mos tregonte asgjë.
Media australiane “news.com” shkruan se mësuesja Sonia Mackay, 43-vjeçe u përball sot me Gjykatën e Rrethit Adelaide në Australi. Ajo u deklarua fajtore për shfrytëzimin e vazhdueshëm seksual të një fëmije 17-vjeçar në vitin 2017.
Mackay i kërkoi falje prindërve të nxënësit të saj në gjykatë. “Më vjen shumë keq për veprimet e mia”, tha ajo. “Nëpërmjet veprimeve të mia të pahijshme kam sjellë shqetësim të madh për nxënësin dhe familjen e tij.” TIRANA TODAY
