Në janar mund të dalë një databazë tjetër me të dhënat e qytetarëve shqiptarë. Kjo gjë është paralajmëruar nga eksperti i IT-së, Gentian Progni, i cili ka qenë i ftuar në studion e ABC Live. Teksa kanë diskutuar për skandaliin me daljen e të dhënave të qytetarëve, Progni tha se e-Albania duhet të ishte mbyllur.
“Duhet të ishte mbyllur e-Albania. Në janar mund të dalë një databazë tjetër të dhënash. Me të dhënat që kanë dalë, mund të hapen profile false”, tha eksperti.
Progni përjashton mundësinë e ndonjë hakerimi, pasi sipas tij, të dhënat dolën nga brenda, nga persona që kanë akses.
“Është nga brenda, kryqëzimi i të dhënave nuk bëhet nga jashtë”, tha ai, duke shtuar se drejtoresha e AKSH-it duhet të ishte dorëhequr.
Disa databaza me të dhëna personale të qindra mijëra qytetarëve shqiptarë, si paga, numra të kartave të identitetit apo targa të automjeteve, po qarkullojnë në WhatsApp. Në Shqipëri është hapur një debat i gjerë pas qarkullimit në WhatsApp të tre databazave, dy me listpagesat e afro 700 mijë qytetarëve shqiptar, dhe një me targat e makinave.
