Pas skandalit të humbjes së 100 pasaportave shqiptare, Ministria e Jashtme ka liruar nga detyra konsullin shqiptar në Greqi, Pervin Gjikuria, sikundër ka vendosur masë disiplinore ndaj ambasadores Adriana Hobdari. Burimet bëjnë me dije se në ditët në vijim, pritet të merret një vendim për ambasadoren shqiptare në Greqi.
100 pasaporta të reja që u dërguan nga Ministria jonë e Jashtme për emigrantët shqiptarë atje, më 13 shkurt, humbën në Greqi gjatë transportit. Pasaportat fillimisht u bllokuan nga dogana greke në Kakavijë, për shkak se transporti ishte në shkelje të procedurave.
Në një prej lagjeve të Athinës, gjatë ndalesës makina diplomatike u vandalizua nga persona të paidentifikuar, që morën 100 pasaporta nga pakoja me mjetet e identifikimit.
