Gazetari Artan Hoxha shprehet se lufta kundër grupeve kriminale në Elbasan nuk ka përparuar mjaftueshëm, teksa komenton deklaratën ministrit të Brendshëm Fatmir Xhafaj.
Artan Hoxha tha se deri më tani në Elbasan është goditur vetëm grupi i Çelave, e kjo sipas Hoxhës për shkak se ngjarja është politizuar.
Hoxha komentoi edhe largimin e prokurorit të Elbasanit, Adrian Nezha, i cili disa ditë para se të transferohej në Tiranë dërgoi për 27 analiza ADN-je që mund të ndihmojnë në zbardhjen e ngjarjeve të rënda kriminale në këtë qytet.
Hoxha: Kjo është vizita e dytë që Xhafaj bën në Elbasan për t’i dhënë kurajo policisë aty dhe për t’i dhënë një mesazh grupeve që operojnë aty. Elbasani është pjesë e linjës së heroinës që vjen nga Turqia drejt Bashkimit Evropian. Jo më kot është zgjedhur Elbasani.
Ka patur një reagim nga Prokuroria e Elbasanit, por Adrian Nezha, i cili ishte duke kryer hetime intensive u largua dhe është sjellë në Tiranë, por gjithsesi prokurorja që është çuar aty është shumë e aftë. Megjithatë kemi të bëjmë me grupe shumë të organizuara.
Ka patur zhvillime por vetëm nga njëri krah. Për shkak edhe të politizimit ka patur ndalime nga grupi Çela. Por nga krahu tjetër s’ka patur asnjë zhvillim. Bazat dhe lidhjet e tyre në qytet dihen. Prokurori që sapo u largua ka dërguar 27 ADN për analiza. Kryeisht për të gjetur autorë të ngjarjeve të rënda.
