Pas presionit dhe protestave të shumta nga qytetarët është tërhequr nga detyra Roberto Alvim, i cili ka mbajtur postin e Sekretarit Special të Kulturës në Brazil. Ky post është i barasvlershëm me post ministror në Brazil.
Në fjalimin 6 minutësh të tij, Alvim përdori koncepte dhe terma të dëgjuara. Pas një hulumtimi të thjeshtë të mediave, u mësua se ishte kopjuar tërësisht fjalimi i një prej nazistëve më të egër, Joseph Goebbels, ministri famëkeq i propagandës naziste.
Pasi skandalit, Alvim u mundua të justifikohej duke përdorur si alibi faktin se nuk kishte pasur dijeni, pasi fjalimi ishte shkruajtur nga asistentët e tij, por edhe për këtë justifikim u kryqëzua.
“Arti brazilian i dekadës së ardhshme do të jetë heroik dhe kombëtar… është një domosdoshmëri, sepse i lidhur me aspiratat urgjente të popullit tonë, ose nuk do të jetë fare”, ishte pjesa e fjalimit më e diskutuar, e shprehur në një sfond muzikor të kompozitorit Wagner, i “preferuari” i Adolf Hitlerit.
Teksa fjalimi i Goebbels ishte: “Arti gjerman i dekadës së ardhshme do të jetë heroik, do të jetë objektiv dhe pa sentimentalizma, do të jetë kombëtar, me pathos, imperativ, ose nuk do të jetë fare”
