Sot duket se është kthyer në trend që këngëtarët të blejnë klikimet. Fama i ka vënë në lëvizje, por kanë edhe nga ata të cilët nuk e vrasin mëndjen në këtë drejtim.
I referohemi këngëtares Flaka Krelani, e cila ka thënë me shaka se ajo nuk ka ndërmend që të hyjë në kredi, vetëm për të siguruar klikimet, pasi për të nuk përbëjnë shumë rëndësi.
Për Flakën, me mjaft vlerë do të ishin ata pak persona të cilët vlerësojnë projektet e saj, dhe jo ti siguronte klikimet me lekë.
Së fundmi, ajo ka qenë e ftuar në emisionin ‘#gjesi’ ku ka rrëfyer diçka më shumë për projektet e reja dhe jetën private.
“Edhe nëse veç 10 vetave ju pëlqej, unë jam e lumtur, sepse e di që ata 10 janë real. Unë tani në kredi nuk mundem të hyj për të blerë klikime”, është shprehur ndër të tjera këngëtarja, duke nënkuptuar kështu që të shumtë janë artistët që i blejnë sot klikimet.
