Kelvi Kadilli duket se ka ndërmarrë iniciativën për tu larguar nga Top Channel. Një vendim ky që duket se është pjekur me kohën, e ndërsa Ora News do të jetë stacioni i radhës për moderatorin. “Pop Culture” prej vitesh i ka besuar moderimin Kelvi Kadillit dhe Dojna Memës, por me sa duket, kohët e fundit gjërat kanë ndryshuar.
Bazuar në linjën editoriale të emisionit në fjalë, të dy moderatorët kishin në dispozicion ditën e shtunë një hapësirë kohore më të gjatë se zakonisht, për të intervistuar të ftuar specialë.
Ndër këto të fundit ka qenë edhe këngëtarja e njohur Jonida Maliqi, dhe sipas “indeksonline.net” intervista me artisten është bërë publike dy herë, njëherë në muajin shtator dhe sërish pak javë më parë.
Ky veprim ka penalizuar Kelvin, i cili sipas “indeksonline.net” do të largohet jo vetëm nga “Pop Culture”, por do të largohet përfundimisht nga televizioni Top Channel.
Ende nuk dihet nëse Kelvi do e përfundojë sezonin e “Pop Culture”, ndërkohë “Indeksonline” ka raportuar gjithashtu se moderatorin do e shohim në muajin shtator në ekranin e Ora News.
Këto ende mbeten në kuadrin e zërave ende të pakonfirmuar, e ndërsa moderatori ka zgjedhur që të heshtë.