Komiteti Teknik i Ekspertëve, në deklaratë për median kanë pasqyruar situatën me pandeminë në vend. Drejtoresha e ISHP, Albana Fico tha se transmetueshmëria është e lartë, ndaj qytetarët duhet të kenë kujdes të shtuar lidhur me zbatimin e masave.
Ajo theksoi po ashtu se është vënë re një rritje e infeksionit në grupmoshën 25-43, duke i bërë apel të rinjve për më shumë kujdes.
“Situata është vlerësuar në mënyrë dinamike. Vendin më të rëndësishëm të rasteve të konfirmuara e zë grupmosha 55-64-vjeç.
Vihet re që ka një rritje në grupmoshën 25-43 dhe bëjmë apel te të rinjtë të zbatojnë masat. Nga vlerësimi i incidencës, Gjirokastra është në fillimi, ndjekur nga Tirana dhe më pas Lezha.
Situata për këto dy javë mbetet e qëndrueshme, zbritje të lehta që janë për tu parë në vijimësi. Nuk ka vend për vetëkënaqësi, ne jemi akoma në një situatë ku transmetueshmëria është e lartë.
Jemi në pikën ku duhet të jemi tejet të kujdesshëm në zbatimin e masave, nga grumbullimet, vendosjen e maskës dhe respektimin e orës policore”, tha Fico.
