Kryesore

“S’ka rrugë tjetër”, Ndoka kërcënon Ramën


               Publikuar në : 16:59 - 19/11/19 M S

Kryetari i Demokristianëve, Nard Ndoka, tha se kryeministri Rama nuk ka rrugë tjetër përveç zgjedhjeve të parakohshme. Sipas tij, Rama mori një goditje edhe nga Kosova. I ftuar në studion e lajmeve në “Ora News”, Ndoka hodhi tezën se vetë Rama do të ketë një dorëzim, një kapitullim pa kushte. Ai argumentoi më tej se kryeministri nuk ka mundësi për të vijuar qeverisjen, ndërsa përballja e fortë është ajo me qytetarët.

“Unë them se nuk ka rrugë tjetër. Realisht sot edhe vetë Rama nuk ka mundësi tjetër për ta vazhduar qeverisjen. Për ta vazhduar aventurën e tij, as në raport me faktorin ndërkombëtar, as në raport me Bundestagun gjerman. As me integrimin, as me presidentin dhe as me opozitën.

Tashmë ka përballë edhe qytetarët, janë disa faktorë të fuqishëm që z. Rama i ka përballë në aventurën e tij. Duhet të jetë një lëvizje ndoshta e detyrueshme, shtoj kësaj edhe lodhjen e tij mendore, politike, fizike, shëndetësore. Pra nuk mban më, edhe vetë kryeministri Rama do të ketë një dorëzim, një kapitullim pa kushte.

Unë shpresoj dhe besoj, që ai të kishte një vendimmarrje të ndërgjegjshme. Pra vetë ti jepte një zgjidhje kësaj krize, që e ka stimuluar vetë. Kur e kupton që dështon kudo, ai mori një goditje edhe nga Kosova. Ishte një parullë që mbushi gjysmën e stadiumit, dhe i kërkonin Ramës dhe Thaçit që të heqin dorë nga Kosova”.

Ndoka zbulon skenarin si do të ‘fundoset’ Rama, paralajmëron lëvizje të dhunshme

Kthehu
WhatsApp Denonco ne TT