Kryedemokrati Basha është shprehur se ditët e fundit kanë qenë mjaft intensive për këtë forcë politike. Ai ka konfirmuar se në zgjedhjet e ardhshme, listat e kandidatëve për deputetë do të zgjidhen nga anëtarësia e kësaj force politike, sipas parimit ‘një anëtar, një votë’.
Gjatë një prononcimi për gazetarët jashtë selisë së PD, Basha u pyet për ftesën e Ramës për dialog, për të zgjidhur ngërçin politik. Duke iu referuar marrëveshjes së 17 Majit, Basha tha se ky dialog provoi se ishte i dëmshëm për vendin.
“Dialogu midis meje dhe z.Rama provoi të ishte i dëmshëm për interesat e Shqipërisë, për mënyrën si u keqpërdor nga një njeri që hiqet si kryetar i PS. Nuk komentoj deklaratat dhe bisedat që kam me miqtë tanë ndërkombëtarë”, tha Basha.
