Bisedimet në Këshillin Politik janë bllokuar sërish. Pas largimit të Rudina Hajdarit nga Këshilli Politik, mazhoranca dhe opozita kanë vijuar diskutimet, e ndërsa palët kanë ngecur tek KQZ.
Sipas demokratit Oerd Bylykbashi, shkak është formula për zgjedhjen e anëtarëve të Komisionit Qendror të Zgjedhjeve, i cili përbëhet nga 3 trupa. Në përfundim të mbledhjes së Këshillit, ai u shpreh se Partia Socialiste kërkon të zgjedhë vetë të gjithë anëtarët, duke hequr çdo garanci për opozitën në nivelin më të lartë te administrimit të zgjedhjeve.
“KQZ, dua të konfirmoj në emër të opozitës së bashkuar, i qëndrojmë pikë për pikë dokumentit që firmos në lidhje me identifikimin biometrik, ruajtjen e administratës nga politizimi dhe dakordësinë për një formulë të re në KQZ.
Në këto kushte ne kemi propozuar për një formulë emërimi të mirëpranuar që sot është në Kushtetutë. Formulë që është bekuar edhe nga ndërkombëtarët, garanton shqyrtim të pavararur. Është kundërshtuar nga mazhoranca pa asnjë arsyeti. Nuk i intereson sepse do kapjen e plotë të KQZ në të tre organet. Qëllimi i marrëveshjes është që garancitë ekzistuese për opozitën dhe interesin publik do të qëndrojnë, por nuk do të shkojnë më pak. Refuzojmë dhe kërkojmë në mënyrë të verbër kapjen e të gjitha organeve. I dhamë kohë mazhorancës që ta studiojnë propozimin tonë. Opozita nuk ka asnjë përfitim, por hiqet mundësia që mazhoranca të përfitojë”.
