Që në orët e para të ditës ka votuar edhe kreu i Kuvendit, Gramoz Ruçi, i cili shprehimisht ka thënë: “Unë jo vetëm votova, por edhe zgjodha”.
Ai ka apeluar për qetësi e maturi, ndërsa duke analizuar situatën shtoi se duhet të votohet për të vazhduar me reformat e vendit.
“Nuk është dita te analizojmë ketë çështje, se ka qene objekt diskutimi ne ekrane dhe debate politike. Sot bej apel për qetësi, maturi dhe vendosmëri, dita të shkoje e qetë. Kush te dëshiroje te marre pjese, te matur se duhet respektuar edhe ai qe voton edhe ai qe nuk voton dhe vendosmëri per te vazhduar reformat e vendit dhe shpresuar e besuar dhe si rezultat i kësaj qetësie, vendosmërie dhe maturie te hapen negociatat ne tetor”.
“Te mbaroje kjo, nesër do te vazhdoje një dite normale. Nuk do te mbaroje me këto zgjedhje, do vazhdojnë përpjekjet dhe besoj se klasa politike që ditën e hënë, ata qe vendosen te mos marrin pjese duhet të fillojnë të bëjnë analizën. Por as fituesit nuk duhet ta quajnë veten triumfatorë”.
I pyetur nëse jemi ne kushtet e vendosjes se një diktature me zgjedhje te tilla, Ruçi ka thënë prerë: “Nuk ka burrë nëne që të vendos më diktaturën, veçanërisht në Shqipëri”.
