Burgu i Zaharisë, i konsideruar si një prej burgjeve me kushtet më të këqija në Shqipëri, do të mbyllet. Lajmin e bëri të ditur Ministri i Drejtësisë, Ulsi Manja.
Ai ka sqaruar se të dënuarit e Zaharisë, do të zhvendosën në dy nga sektorët e burgut të Shënkollit deri në ndërtimin e një spitali specifik për të dënuarit me probleme mendore.
Burgu i Zaharisë priste të dënuar me probleme të shëndetit mendor, dhe konsiderohej si një kamp përqendrimi për shkak të kushteve të tmerrshme.
Ministri konfirmoi se këtë fundvit, nuk do të ketë amnisti. Prej vitesh organizmat ndërkombëtare kanë kritikuar ashpër Shqipërinë, për situatën në burgun e Zaharisë.
