Autoritetet shtetërore në Itali, kanë rishikuar edhe një herë masat, ndërsa kanë njoftuar se po rimendojnë për reduktimin e numrit të tifozëve në stadiume nga 1000 në 500. Kjo masë vjen në një kohë kur trendi i të infektuarve është gjithmonë e në rritje.
Gjatë ditëve të fundit ka patur një fluks të shtuar të numrit të të infektuarve. Ndaj Komiteti Shkencor dhe Teknik, po merr parasysh mundësinë që të shkurtojë numrin e tifozëve në stadium.
Dje u regjistruan 5724 raste me koronavirus, ndërsa vetëm javën e kaluar u shënuan 20.989 raste me COVID-19.
