Presidenti në detyrë i SHBA-së, Donald Trump është larguar nga Shtëpia e Bardhë ditën e sotme për në Camp David.
Business Insider shkruan se kjo mund të jetë një mënyrë e Trump për tu reflektuar mbi situatën që ndodhi ditën e djeshme.
Udhëtimi vjen pasi Kapitoli në SHBA u pushtua dhe u vandalizua nga protestuesit pro-Trump që kërkonin të përçanin dhe përmbysnin rezultatet e zgjedhjeve dhe të parandalonin një presidencë të Biden.
Të dy dhomat e Kongresit u bastisën pasi Policia e Kapitolit të SHBA-së nuk arriti të ndalte protestuesit. Camp David është shmangur kryesisht nga Trump në favor të Mar-a-Lago, klubit të tij privat në Palm Beach, Florida, gjatë presidencës së tij.
Kompleksi është përdorur në të kaluarën për samitet me udhëheqësit botërorë, përfshirë Marrëveshjet Camp David midis Egjiptit dhe Izraelit në 1978.
Kongresi certifikoi kandidatin demokrat, Joe Biden si presidentin e zgjedhur të SHBA-ve, pasi fitoi 306 vota elektorale, kundrejt 232 të Donald Trump.
