Të rinjtë e Partisë Demokratike i kanë përçuar mesazhe Qeverisë Rama përmes objekteve simbolike që do të përdoren në protestën e sotme. Veprimi i radhës i tyre është një instalacion si ku Rama shikohet i veshur si i burgosur.
“Manekinet si të burgosur janë disa, figurat më të njohura të krimit dhe trafikut te drogës në Shqipëri, Kryeministrin Edi Rama, Moisi Habilajn, Lulzim Berishën, Mark Frrokun, Saimir Tahirin, Elvis Rroshin, Kelmend Balilin, Durim Kecin, Arben Frrokun dhe Emiljano Shullazin. Një nga sloganet kryesore të protestës së opozitës është “Banditet në burg, jo në qeveri”. Prandaj protestuesit tundin prangat e drejtësisë!”, thotë Partia Demokratike në njoftimin e saj për mediat.
Ndërsa, kurora është me diametër 2 metra, dhe në krye të saj është portreti i kryeministri Rama. Sipas të rinjve demokratë, kurora është simbol i asaj që Edi Rama ndërtoi në këto 5 vjet në Shqipëri, Mbretërinë e Krimit dhe të Drogës.
Në kurorë janë vendosur portretet e Saimir Tahirit, Moisi Habilajt, Emiljano Shullazit, Lul Berishës, Kelment Balilit. Në krye të saj një gjethe hashashi.
Për të mbrojtur këta dhe nëpërmjet tyre pushtetin e vet, Rama ka nisur marrjen e drejtësisë nën kontroll. Disa prej tyre kane dalë nga burgu, të tjerë nuk kapen nga policia edhe pse u dihet vendndodhja dhe për pjesën tjetër po dështohen hetimet”,thonë të rinjtë e PD-së.
