KQZ ka shtyrë kërkesën për Referendum për sistemin zgjedhor të dorëzuar nga 12 aktivistë të shoqërisë civile, për në janarin e 2021. Përplasje ka pasur mes anëtarëve të KQZ, teksa Denar Biba nuk ka dashur të shqyrtohet kjo kërkesë, por Klement Zguri ka këmbëngulur.
Në debat u përfshi dhe ish-kreu i KQZ, Kristaq Kume, i cili tha se anëtarët nuk mund të silleshin sikur ishin mbledhur për gjel deti. Pas mbledhjes, Kristaq Kume deklaroi se vendimi i marrë është i gabuar dhe shtoi se anëtarët e KQZ-së e interpretojnë ligjin si duan ata dhe jo siç është.
“Sipas disa anëtarëve të Komisionit Qëndror të Zgjedhjeve, kërkesa për referendumet mund të bëhen vetëm në janar dhe procedura të mbarojë në mars. Këta interpretojnë ligjin në një mënyrë të tillë, duke e ngarkuar aq shumë dhe nuk lënë hapësira për referendum”, u shpreh Kume pas mbledhjes.
Klement Zguri: Hidhet në votim kërkesa për referendum, për ndryshimin e sistemit zgjedhor, 1 pro dhe 4 kundër.
Rezarta Bitri: Jo nuk janë 4 kundër
Klement Zguri: Mos bëni gallatë këtu, o je pro ose je kundër
Ish-kreu i KQZ: Jeni institucion i rëndësishëm. Mos u sillni sikur jeni mbledhur për gjel deti.
