Basha ka qenë mëngjesin e sotëm në Elbasan. Zyra e shtypit e selisë blu njoftoi se kreu i PD-së Basha do të vizitonte qytetarët në Elbasan për Ditën e Verës. Sipas njoftimit, Basha do të takonte qytetarët e Elbasanit, por kjo nuk ndodhi.
Njoftimi i selisë blu u fshi, ndërsa Basha u nis drejt Tiranës, për të marrë pjesë më pas në tryezën me Aleancën për Mbrojtjen e Teatrit.
Po ashtu, edhe kryeministri Rama kishte planifikuar të ishte në Elbasan për Ditën e Verës, por më pas në axhendë mbeti vetëm inspektimi i rrugës Tiranë-Elbasan.
Por, kryeministri Rama në moment të fundit ka vendosur t’i bashkohet aktiviteteve të bashkisë së Elbasanit. Duket se të dy rivalët kanë shmangur një përplasje të mundshme mes tyre. Ndërsa nuk dihet kur do të jetë përballja e tyre me vota, teksa PD ka djegur mandatet dhe kërkon qeveri tranzitore dhe zgjedhje të parakohshme.
