Përgjatë një bisede me Ministren e Shëndetësisë dhe Mbrojtjes Sociale Ogerta Manastirliu, mjeku i Shërbimit Infektiv prof. Tritan Kalo foli ndër të tjera edhe për gjendjen e 4 pacientëve të infektuar me COVID-19 në Shqipëri, të cilët aktualisht ndodhen në reanimacion.
“4 të sëmurët në reanimacion janë në një gjendje mestarisht të rëndë, nuk janë në gjendje terminale, por që e kanë të domosdoshme praninë në mjedise të terapisë intensive sepse në çdo moment mund të çedojnë. Në çdo moment mund të bëhen objekt i ventilimit mekanik”, tha Kalo.
Sa i përket kapaciteteve në Shërbimin Infektiv, mjeku deklaroi se po shtohen kapacitetet, ku momenalisht janë 16 vende që kanë respiratorë.
“Aktualisht është 12+4, plus është dhe një kat i veçantë i cili është parashikuar që 24 poste të jenë tashmë të pajisura për të vendosur ventilatorë në një moment nëse do të kemi shtrirje të formave të rënda të infeksionit tek këta të sëmurë dhe shkon pothuajse tek 36-40 poste të asistencës respiratore brenda strukturës së infektivit. Urojmë që të mbetemi në këto kapacitete për të mirën e njerëzve, pavarësisht se janë parashikuar dhe COVID 2 dhe skenare të tjerë”, pohoi Kalo.
Manastirliu ka vlerësuar frymën e ekipit të Infektivit dhe sakrificën që po bëjnë në shërbim të të sëmurëve me koronavirus.
