Adelina Muça ka spikatur së fundmi në rolin e Belës, zonjës së shtëpisë Kuqézi. Bela e “Familjes Kuqezi”, është mamaja e Dorës dhe Fatjonit, por në jetën reale është mamaja e Noha-s.
Në programin “Tring Stars”, Adelina rrëfeu disa detaje tejet interesante në lidhje me jetën e saj, dhe emocionet që ka përjetuar e bija pasi ka ndjekur çdo seri të kësaj komedie.
Teksa e ka parë në një këndvështrim më kritik, ajo madje nuk ka hezituar që edhe të kritikojë të ëmën e saj, në disa skena pak ngacmuese.
“Ajo e ndjek, ka raste kur e sheh dhe dy herë. Edhe kur unë nuk e kap orarin e transmetimit, ajo e ndjek dhe kur shkoj në shtëpi, flet pafund për episodin që ka parë. Kryesisht e tërheqin personazhet e fëmijëve, dhe kënaqet me ata të dy.
Ka pasur raste edhe kur më ka drejtuar gishtin, por në gjëra që lidhen me marrëdhënien në familje. Problematika më e madhe ishte një episod ku më tha: ‘Nuk e kuptoj dot si mund të përqafosh (se nuk thoshte dot puth) një person tjetër përveç babit.
Uroj mos të ndodhi herë tjetër”, tregoi aktorja për gazetaren e “Tring Stars”. Adelina është bashkëshortja e regjisorit Hervin Çuli.
