Nën drejtimin e Christian Panucci atmosfera në kombëtare nuk ishte aspak pozitive, rezultatet nuk po vini dhe autoriteti prej “diktatori” i teknikut italian ndikoi negativisht te lojtarët. Pas humbjes me Turqinë, FSHF vendosi shkarkimin e Panuccit dhe në vend të tij u thirr të ulej në stol një tjetër italian, Edy Reja.
Reja fillimisht mori kohë që të mendohet dhe më pas të vendosë nëse do të ulet në stolin e kuqezinjve dhe në fund vendosi për “PO”.
Së fundmi në një prononcim për “Corriere dello Sport”, tekniku 74-vjeçar ka rrëfyer aventurën e tij me Shqipërinë. Reja tregon prapaskenat e firmës me kuqezinjtë si dhe nuk nguron të shprehet optimist për sa i përket ecurisë.
Aventura te Shqipëria – “Kam deklaruar se nuk do të drejtoj me klube, por nëse me jepet një shans me ekip kombëtar, e marr në konsideratë. Kështu ndodhi. Nuk është ai stresi i përditshëm, por në kombëtare ka një përgjegjësi të madhe. Këtu në Shqipëri ka një pasion të jashtëzakonshëm për futbollin.
Një vend që ngjason me Napolin. Njerëzit e duan ekipin kombëtar dhe lojtarët. Kjo afërsi më jep energji. Ishte ajo që kisha nevojë. Mendoj se gjithçka po shkon mirë. Vështirësia kryesore e trajnerit, përveç njohjes së karakteristikave të lojtarëve është krijimi identitetit unik.
Si ju bindi Shqipëria? Presidenti Duka më telefonoi dhe më pyeti për plane duke më thënë se isha i nevojshëm nëse do të isha i lirë. Biseduam për këtë, dhe pashë ndeshjen me Turqinë. Unë shkova rastësisht, më duhej të shkruaja disa raporte në lidhje me futbollistët që po ndiqeshin nga Napoli dhe Atalanta. Më telefonoi gjithashtu edhe kryeministri Edi Rama. E takova atë në hotelin tim pranë “Ponte Milvio”-s, ai erdhi për të parë Lacion, është tifoz i madh i Juventusit. Më kishte thirrur që të më bindte.
Ndihem i fortë nga pikëpamja fizike. Kam nënshkruar deri në nëntor. Ka 6 ndeshje zyrtare, më kanë ofruar kontratën edhe për 2 vite. Thashë të presin dhe të shohim si do të shkojnë gjërat. Nëse gjithçka shkon mirë do të vazhdojmë edhe për 2 vjet.
