Aktorja Aishe Stari, e cila numëron dhjetra role humori në skenë, ka folur për paragjykimet që mori kur zgjodhi rrugën e artit. Ajo ka qenë e ftuar në emisionin “Soiree” me Jonida Shehun, për të folur dhe për të festuar për qytetin e saj Durrësin.
Biseda është fokusuar edhe sesi është mentaliteti i Durrësit, dhe të ftuarit kanë pohuar që ka qenë pak i mbyllur. Një ndër to që ka pohuar këtë gjë, ka qenë edhe aktorja Aishe Stari.
“Jo kaq të lira nuk kanë qenë. Mendimi ka qenë patriarkal. Më kujtohet kur shkova kur u hap shkolla e lartë për aktore, dhe e kanë kapur mamanë time kushedi sa njerëz dhe i thoshnin “si e çove ti gocën për artiste, do t’ju prishet goca”, ka treguar aktorja e njohur Aishe Stari.
Ajo është një nga aktoret më simpatike të trupës së estradës së Durrësit, por dhe në mbarë vendin. Aishe Stari ka luajtur mjaft role në zhanre e lloje të ndryshme të teatrit, të estradës, si në komedi, skeçe, monologe dhe parodi.
