Marrëdhënia SHBA-Kinë është në krizë. Përgjigjja e Kinës për koronavirusin, ka lënë një shije të hidhur tek zyrtarët evropianë. Kreu i politikës së jashtme të BE-së, thotë se janë treguar naivë në raport me Kinën.
“Koronavirusi na tregoi diçka të domosdoshme. Sado tërheqëse mund të jenë përfitimet monetare nga Kina, duhet të kujtojmë që mbetet një rival sistematik që promovon modele alternative qeverisjeje.
Akuzat mbi dezinformimin e pandemisë, kanë krijuar një mosbesim të madh. Deri diku, duket se BE është treguar ‘naive’, përsa i përket marrëdhënies me Kinën”.
Për shkak të rregullave të distancimit social, virusi ka sjellë mungesën e takimeve të diplomatëve.
Aktet e fundit të Kinës, duke përcjellë mesazhet kundërshtuese përmes televizioneve, ka sjellë agravim të situatës. E ndërsa BE duket se po përpiqet për të zgjidhur këto mosmarrëveshje.
Në lidhje me këtë çështje, një diplomat i BE-së u shpreh: “Duhet të rimendohemi të gjithë, por në të njëjtën kohë nuk mund të shkëputim totalisht marrëdhënien me Kinën. Edhe vetë Kina sigurisht që ka nevojë për Evropën. Herët a vonë, duhet vendosur se cili realitet duhet besuar, për të mos patur përplasje mes dy superfuqive siç janë Kina dhe SHBA”.
