COVID-19 ka qenë i pranishëm në Suedi prej muajit nëntor

Nje epidemiolog ka zbuluar një fakt shokues rreth qarkullimit të virusit në Suedi. Sipas Anders Tegnell, koronavirusi ka qenë prezent që prej muajit nëntor.

Duke mos pasur dijeni ndaj virusit, shumë persona janë trajtuar me simptoma gripi apo ftohje.

“Kemi besuar se pandemia nuk ishte përhapur në Europë përpara shpërthimit të saj në Kinë. Në të vërtetë, nuk ka fuksionuar kështu.

Nuk ka patur infektime në masë, por raste të izoluara ka patur kudo. Duke u nisur thjesht nga fakti që banorë të Wuhanit të cilët ishin të infektuar, kanë udhëtuar drejt këtyre vendeve. Nuk mund të mos kenë qenë prezentë në muajt e mëparshëm.

Në Suedi, COVID-19 ka qenë prezent që prej muajit nëntor të vitit të kaluar. Duhet të rishikojmë raportet e spitaleve përgjatë muajve nëntor-dhjetor 2019, dhe kjo është lehtësisht e vërtetueshme. Disa prej mostrave të vjetra të gripit janë ritestuar, dhe ka rezultuar që kane qenë të infektuar nga COVID-19”.