E shtunë, 23 Janar, 2021
12 C
Tirana

Shumica e politikanëve tanë janë me tru të ‘cekët’, e me xhepa shumë të thellë

Nga: Kim Mehmeti

Nëse e keni vërejtur, te ne të gjithë të rinjtë duan të bëhen ose këngëtarë, ose gazetarë ose politikanë. Sepse këto profesionet mbahen si më të lehtat, ngaqë shumica e këngëtarëve tan nuk këndojnë me zë por me trup, gazetarët nuk e thonë atë që kanë parë me sy por atë që ua thotë partia dhe, shumica e politikanëve tanë kanë tru të cekët, e xhepa shumë të thellë.

Kryetari i VV është ndër të rrallët që ia kthen dinjitetin politikës, që atë e bënë profesion të të mençurve dhe të njerëzve të përgjegjshëm.

Dhe kjo është arsyeja pse shumica e politikanëve nuk e durojnë atë dhe pse shumë nga opinionistët tanë duan ta diskualifikojnë, duke e shpallur antiamerikanë, majtistë e çka jo tjetër.

Thjeshtë shumicën e kolegëve të vet politikanë, ai i përballë me injorancën e tyre, ndërkaq disa opinionistëve ua merr mundësinë që të ndjehen superior përballë burrështetasve që besojnë se nuk kanë nevojë për tru me të cilin do e drejtojnë popullin, por për ‘dru’ me të cilin do e nënshtrojnë atë.

Dhe shumica e burrështetasve tanë janë politikanë batutash, politikanë që mbahet me llafazani, që mbështeten te nëntoka politike, që paaftësinë e vet dhe keqqeverisjen e mbulojnë duke nxitur grindje mes gjithë shtresave shoqërore, ndërkaq kryetari i Vetëvendosjes është dijetar që çdo kund rrezaton urtësi e mirësi.

Andaj duhet shpresuar se zgjedhjet e parakohshme në Kosovë, janë mundësi që VV sërish të vijë në pushtet e ta rivazhdojë procesin për çlirimin e vendit nga zhvatësit e saj dhe të krijojë kushte që gjithë ‘kriminelët’ e paqes që e plaçkitën shtetin dhe popullin e vet, të dalin përpara drejtësisë.

Dhe në këto zgjedhje të parakohshme parlamentare populli shqiptarë i Kosovës do ketë mundësi t’i dënojë ‘pleqtë’ e LDK’së që e rrëzuan ish qeverinë e VV duke besuar se populli është një turmë e pa kokë, të cilën nëse arrin ta mashtrosh e ta mbyllësh në oborrin tënd partiak, atëherë me të mund të tallesh si të ta dojë qejfi.

Lexo edhe :   Të gjitha faktet përse SPAK duhet të thërrasë Berishën për 21 Janarin

Ndërkohë duhet thënë se me shumëçka, Kosova i ngjanë një vend që ka tre ‘sundues’, e të cilët nuk i ndërlidh asgjë e përbashkët përpos ‘grazhdit’ shtetëror nga ata ushqehen.

Pra Kosova sot është e ‘sunduar’ nga ndërkombëtarët, që nuk i përgjigjen askujt,  nga ‘Lista sërpska’ që i raporton Beogradit dhe nga qeveritarët shqiptarë që marrin votat e shqiptarëve, por me ardhjen në pushtet, bëjnë çmos që të jenë të pëlqyer nga ndërkombëtarët dhe ‘Lista srpska’, nga ata që ua kanë fatin politik në duar.

Lexo edhe :   Të gjitha faktet përse SPAK duhet të thërrasë Berishën për 21 Janarin

Dhe nëse është kështu, atëherë duhet pranuar se në Kosovën e sotme është e vështirë të mbijetojë cila do qeveri si ajo e VV, cila do qeveri që interes parësorë ka atë të popullit që përfaqëson e të shtetit që  drejton, e jo të elitave partiake.

Andaj, për mbarë shqiptarinë, e jo vetëm për Kosovën,  është e rëndësishme ardhja e VV në pushtet, sepse duke e çliruar shtetin e vet nga qeveritë e varura nga ‘Lista srpska’, shqiptarisë do i tregojë se cili është dallim mes qeveritarëve që i shërbejnë popullit dhe atyre që kujdesen të jenë sa më të pëlqyera nga të huajt.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...