Disa shtete europiane kanë pezulluar përdorimin e vaksinës anti-covid të prodhuar nga kompania Astrazeneca, për shkak se ka patur efekte anësore te disa pacientë, si mpikja e gjakut dhe trompoza.
Lidhur me këtë çështje, Organizata Botërore e Shëndetësisë, deklaroi ditën e sotme se duhet të vazhdojë vaksinimi me dozat e prodhuara nga kompania AstraZeneca.
OBSH-ja u shpreh se raste të tilla me sëmundje ndodhin shpesh dhe ndoshta nuk mund të kenë lidhje me vaksinën, shkruan CNBC.
Ndërkohë, bëhet e ditur se hetimet do të vazhdojnë, por sugjerohet që vaksinimi duhet të vazhdojë, pasi përfitimet e vaksinave e tejkalojnë rrezikun.
“Sëmundje trompoze dihet që ndodhin shpesh. Mpiksja e gjakut është sëmundja e tretë më e zakonshme kardiovaskulare në mbarë botën. Kjo nuk do të thotë se ngjarjet janë të lidhura me vaksinën. Sidoqoftë është praktikë e mirë t’i hetojmë. Por, në këtë kohë, OBSH konsideron se përfitimet e vaksinës AstraZeneca tejkalojnë rreziqet e saj dhe rekomandon që vaksinimet të vazhdojnë. OBSH është në kontakt të rregullt me Agjencinë Evropiane të Barnave (EMA) dhe rregullatorët në të gjithë botën për informacionin më të fundit mbi sigurinë e vaksinave Covid-19,”-thuhet në njoftim.
