Kryeministri Avdullah Hoti, bëri me dije se mbledhja mes dy qeverive Kosovë-Shqipëri që ishte planifikuar për tu mbajtur në Shkodër është shtyrë për më vonë.
Përmes një postimi në Facebook, Hoti sqaron se mbledhja e planifikuar që të mbahej më datë 25 shtator, do të mbahet një javë më vonë më datë 2 tetor.
Shkak për shtyrjen e mbledhjes është bërë seanca e Kuvendit të Kosovës.
“Për shkak të seancës së Kuvendit të Kosovës, u dakorduam me Kryeministrin Rama që mbledhjen e përbashkët të dy qeverive tona, të paraparë për këtë të premte, ta mbajmë më 2 tetor. E falënderoj Kryeministrin Rama për mirëkuptimin dhe dy ekipet tona për përgatitjen e mbledhjes”, shkruan Hoti.
