Gjykata e Posaçme kundër Korrupsionit dhe Krimit të Organizuar, ka vendosur shtyrjen për në nëntor të gjykimit të dosjes së ish-kryeprokurorit Adriatik Llalla.
Bëhet me dije se shkak për shtyrjen e vendimit është bërë kërkesa e avokatit, i cili ka pretenduar se ka nevojë për disa hetime shtesë.
Mbi Llalën rëndon akuza e ‘fshehjes së pasurisë’. Llalla është një prej tre ish-zyrtarëve të lartë shqiptarë, për të cilin sekretari amerikan i shtetit, Mike Pompeo, më 14 shkurt të 2018, komunikoi vendimin se ai nuk do të shkelë kurrë në tokën amerikane.
