Pas dyshimeve për edukatore të infektuara me COVID-19, menjëherë është dhënë urdhri që një çerdhe në Tiranë të mbyllet me urgjencë, për mbrotjen e jetës së fëmijëve. Bëhet fjalë për çerdhen nr.16 në ish-Bllok. Burime për ‘A2’ bëjnë të ditur se prindërit janë njoftuar që të marrin fëmijët e tyre, dhe për 14 ditët e ardhshme nuk do të mund t’i çojnë më aty.
Dyshimet janë se një ose më shumë edukatore kanë dalë pozitive me koronavirus. Për këtë arsye, i gjithë stafi i çerdhes do të qëndrojë në karantinë në një periudhë 14 ditore në banesat e tyre.
Lajmi në fjalë është konfirmuar edhe nga zyrtarë të Bashkisë Tiranë, por ende nuk ka informacione se sa persona kanë rezultuar pozitiv.
