Nuk ka të ndalur numri i të prekurve me COVID-19 në Shkodër. Paraprakisht bëhet me dije nga burime ende jo zyrtare se ka rezultuar pozitiv një tjetër person, duke e çuar në tre numrin e të infektuarve në këtë qytet. Bëhet fjalë për një qytetar nga Puka, i cili ka qenë i shtruar në Spitalin e Shkodrës, tek Infektivi, ku i është bërë tamponi dhe ka rezultuar negativ.
Më tej ai është dërguar në Tiranë, dhe pas skanerit ka rezultuar pozitiv me COVID-19.
Pas këtij rasti, po bëhen analizat e stafit mjekësor, të mjekëve dhe infermierëve në Spitalin e Shkodrës, të cilët kanë pasur kontakte me këtë person.
Bilanci i të prekurve në botë nga koronavirusi po rëndohet çdo ditë e më shumë. Më të prekurat janë Italia dhe Spanja, ndërsa Kina përmirësohet çdo ditë e më shumë.
