Zëvendësministri i Mbrojtjes Civile, Nikos Hardalias, ditën e sotme ka njoftuar për vendosjen e masave të reja parandaluese për tre komunat e Atikës, duke ndjekur sugjerimin e Komitetit të Ekspertëve të Ministrisë së Shëndetësisë.
Bëhet e ditur se masat janë vendosur konkretisht në komunat Aspropyrgos, Elefsina dhe Mandra, dhe do të hyjnë në fuqi ditën e nesërme.
Masat
1-Ndalimi i lëvizjes nga ora 18:00 deri në 5 të mëngjesit, përveç punonjësve, të cilët do të lëvizin nga shtëpia në punë dhe anasjelltas, me leje nga punëdhënësi.
2-Ndalimi i blerjeve të mallrave online.
3-Mbyllja e parukerive, qendrave të kujdesit estetik dhe librarive.
4-Ndalimi i funksionimit të të gjitha llojeve të ceremonive kishtare të çdo doktrine, përveç funeraleve që do të bëhen vetëm me dhjetë persona.
5-Ndalimi i hyrjes në tempuj për lutje individuale dhe shërbime kishtare vetëm në prani të klerikëve.
6-Kontrolle masive të popullsisë me teste të shpejta.
7-Testimi çdo pesë ditë tek punonjësit në shtëpitë e të moshuarve.
8-Shpërndarja masive e maskave për të cilat kujdeset pushteti lokal.
9-Pezullimi i funksionimit të të gjithë tregjeve publike.
Që prej fillimit të pandemisë, në Greqi janë shënuar 128.710 raste infektimi dhe kanë ndërruar jetë 3.948 pacientë.
