Ministrja e Shëndetësisë, Ogerta Manastirliu ka folur rreth shtimit të rasteve të reja me koronavirus në vend.
E ftuar në emisionin “Open”, Manastirliu tha se pritej një rritje e numrit të rasteve pasi nisi hapja. Ministrja u ndal edhe tek strategjia për të menaxhuar krizën, teksa shtoi se brenda kësaj jave pritet të vijnë edhe 90 respiratorë të tjerë.
“Po mos të kishim ne një strategji, situata nuk do të përballohej me sukses. Ne kishim strategji për dyfishimin e kapaciteteve në spitale. Tani po rrisim sërish kapacitetet. Brenda kësaj jave vijnë edhe 90 respiratorë të tjerë”, tha ajo.
