Këngëtari i njohur Endri Prifti, ka ndarë me ndjekësit e tij në Facebook faktin se e kishte ndaluar policia, pasi kishte konsumuar alkool. Teksa shkonte për në shtëpi pas një koncerti, Endri tregon se mbi 30 forca policie e kanë ndaluar në rrugë, dhe i kanë kërkuar të bëjë testin e alkoolit.
Sipas policëve, këngëtari kishte konsumuar alkool, ndaj i kanë marrë makinën dhe e kanë çuar në Vaqarr tek konfiskimi i makinave. Por kjo situatë nuk është kapërdirë nga ana e këngëtarit, i cili ka shfryrë dufin ndaj policisë, duke i kujtuar edhe faktin se nuk kanë qënë të paktat rastet kur edhe i ka paguar.
“Shteti ka ikur për lesh. Këta dolën 30 polica ore, shtetrrethim. Më sollën këtu në errësirë në Vaqarr, më morën makinën dhe tani do më çojnë në shtëpi këta. Turpi i Zotit, më thonë mua ke pirë tre birra.
Kur këndoj unë, kur pi publiku, do pi dhe unë se s’bën. Na trembën, sikur kisha vrarë ndonjë njeri. Ja i respektoja një çikë unë këta, po tani ma shpifën fare, nuk shikojnë se ç’bëhet me qeverinë po merren me mua”, tregon ai mes të tjerash gjatë videos live.
