Gazetari shqiptar Partizan Cene ka reaguar në lidhje me situatën në të cilën ndodhen 108 shqiptarë, për të cilët shkruan se mbahen të ngujuar nga kurdët në një kamp në Siri.
Gazetari sjell në kujtesë neglizhencën e theksuar të shtetit, që sipas tij deri më tani nuk ka bërë asgjë për të rikthyer gratë dhe fëmijët në Shqipëri, teksa i bën thirrje qeverisë shqiptare që të ndërhyjë menjëherë.
“Problemi është shumë i ndërlikuar, për sa i takon kthimit të tyre në shtëpi, por unë desha të sjell këtu, neglizhencen e theksuar të shtetit amë, të Shqipërisë, që deri tani nuk ka bërë asgjë për të risjellë gratë e fëmijët në shtëpitë e tyre.
E kuptoj se inati i shtetit është për ata që i çuan fëmijët dhe gratë në Siri për të luftuar në shtetin e ISIS -sit, por kjo është e turpshme, pasi fëmijët nuk kanë kurrë faj”, shkruan Cene.
Postimi i plotë:
Lista e turpit dhe e pafajsise !
Ne foto eshte nje liste e shkruar me dorë ku janë të shënuar emrat e grave dhe femijëve shqiptar, që kanë ngelur në kampin kampin “Al Hol” që ndodhet në shkretëtirën siriane , në provincën “El – Hasakah”.
Atz në kamp krahas mijra te mbijetuarve, kurdët mbajnë edhe 108 shtetas shqiptare, nga Shqipëria, Kosova dhe Maqedonia e Veriut. Kryesisht, janë në (gati 87 % ) femijë e gra..!
Problemi është shumë i ndërlikuar, për sa i takon kthimit të tyre në shtëpi, por unë desha të sjell këtu, neglizhencen e theksuar të shtetit amë, të Shqipërisë, që deri tani nuk ka bërë asgjë për të risjellë gratë e fëmijët në shtëpitë e tyre.
E kuptoj se inati i shtetit është për ata që i çuan fëmijët dhe gratë në Siri për të luftuar në shtetin e ISIS -sit, por kjo është e turpshme, pasi fëmijët nuk kanë kurrë faj.
Shumë nga fëmijët kanë lindur në Siri dhe nuk e kanë idenë se ku bie Shqipëria, por shteti shqiptar, eshte i detyruar me Kushtetute që të interesohet dhe ti shpëtojë e ktheje me çdo kusht këta fatkeqë të vegjël në vendin e tyre.
Kjo listë është lista e turpit deri sa nuk kemi asnjë reagim tani dhe gati 1 vit që është hapur kampi në fjalë.
Shpresojmë që kjo thirrje të mos bjerë në vesh të shurdhët .. !
