Shteti i Victoria-s në Australi shpalli gjendjen e katastrofës dhe vendosi masa izolimi pas shtimit të rasteve të reja të të infektuarve nga koronavirusi.
Kryeministri Daniel Andrews njoftoi se kufizimet hyjnë në fuqi të dielën në orën 18:00.
Sipas rregullave të reja, banorët e Melburn do t’i nënshtrohen shtetrrethimit gjatë natës.
Ata nuk do të lejohen të udhëtojnë më tepër se 5 km nga shtëpia e tyre, aktiviteti fizik do të kufizohet një herë në ditë dhe vetëm një person do të ketë mundësi të bëjë pazar për gjërat bazike.
