Si çdo personazh e mbi të gjitha të jesh një lider në SHBA, do kesh persona të cilët të duan dhe ata që të kritikojnë. Lajmi mbi infektimin e Trump dhe bashkëshortes së tij, padiskutim që mori jehonë në mbarë botën. Por fatmirësiosht presidenti Trump ka lënë spitalin, ndonëse mjekët thonë se ai nuk e ka kaluar ende rrezikun. Një qytetar nga Kosova ka bërë një gjest të rrallë, teksa ka shpenzuar kursimet e tij, për ti uruar shërim të shpejtë presidentit amerikan.
Naim Murseli nga Kosova, ka vendosur të shpenzojë kursimet e tij, për t’i uruar presidentit amerikan Donald Trump shërim të shpejtë, përmes një tabele gjigante në hyrje të aeroportit të Prishtinës.
Murseli, i cili është këshilltar i kryetarit të AKR, Behgjet Pacolli, ka tërhequr vëmendjen në rrjetet sociale.
Ai thotë se ka paguar billboard-in më të madh dhe më të shtrenjtë, ku shkruhet “Shërim të shpejtë Mr. President”, me foton e Trump dhe flamurin amerikan e atë të Kosovës në sfond.
“Kam përdorur kursimet e mia për të paguar billbord-in më të madh dhe më të shtrenjtë, afër Aeroportit Ndërkombëtar të Prishtinës, për të nderuar Presidentin Donald Trump dhe popullin amerikan. Njerëzit e Kosovës i urojnë Presidentit shëndet dhe shërim të shpejtë. Zoti i bekoftë vendet tona”, ka shkruar Murseli në Twitter.
I used my savings to pay the largest and most expensive billboard, near Prishtina International Airport, to honor President @realDonaldTrump and the American people. The people of #Kosovo wishes the President health and a swift recovery. God bless our countries! pic.twitter.com/gvM6VqzbwR
— Naim Murseli (@NaimMur) October 6, 2020
