Ndonëse e gjithë Shqipëria është në izolim total, dhe policia ka shtuar masat për monitorimin e qytetarëve gjatë fashës së daljes për të bërë pazar, situata kriminale duket sikur është e pashmangshme.
Gjatë ditës së sotme janë raportuar për të shtëna me armë zjarri në zonën e Radhimës në Vlorë.
Burime ende jo zyrtare raportojnë se ngjarja ka ndodhur paraditen e sotme, e ndërsa dy persona janë konfliktuar me njëri-tjetrin.
Këta dy shtetas janë zënë me sende të forta, ku për pasojë është plagosur njëri prej tyre.
Mësohet se më pas janë dëgjuar edhe të shtëna me armë zjarri.
Policia ka shkuar në vendngjarje, dhe po punon për zbardhjen e rrethanave.
