LSI “do zbehet” dhe se PD “do të zhduket”, kjo ishte deklarata e papritur e Baton Haxhiut. Ai ka komentuar situatën politike në Shqipëri, pas djegies së mandateve nga deputetët e forcat opozitare.
I ftuar në Open, Haxhiu tha se shqiptarët do të kërkojnë diçka të re dhe se këto dy forca mund të zëvendësohen nga partia e Vetëvendosjes.
“Do kemi hapësirë për një parti politike e cila mund të ndërtohet pas një muaj ose dy muaj. Mund të jetë Vetëvendosja. Dorëheqja i lë hapësirë Vetëvendosjes për të qene pjesë e jetës politike në Shqipëri. Dhe nuk janë të paktë njerëzit që janë të gatshëm për të formuar një parti politike shumë shpejt. Partitë si LSI dhe PD, njëra do zbehet, tjetra do zhduket, sepse shqiptarët do kërkojnë diçka të re”, është shprehur Baton Haxhiu.
