Ndonëse vetëm 13-vjeçe, vogëlushja nga Kosova ja ka arritur të na bëjë të ndjehemi krenarë. Erza Muqolli e cila po arrin të jetë mjaft e suksesshme jashtë vendit, ka performuar në një skenë në Paris këngën e Beyonce “Listen”, pas përfundimit të së cilës ka ngritur duart lart duke bërë simbolin e shqiponjës e duke u treguar të gjithëve origjinën e saj shqiptare.
Performanca e vogëlushes nga Kosova është pritur mjaft mirë nga publiku të cilët e kanë brohoritur dhe duartrokitur atë pa fund. Erza Muqolli është e njohur në Paris për shkak se kur ishte vetëm 8 vjeç mahniti publikun francez në show-n e talenteve “France’s Got Talent” ku arriti të renditej e treta.
