Dje në emisionin “Për’puthen” është komentuar video e fundit e Arjonit për Anën, ku tregonte prapaskenat se çfarë kishte ndodhur mes të dyve.
Shqipja ka publikuar një video të këtij momenti, shoqëruar me një tjetër video kur ajo ndodhej në “Për’puthen”, dhe në një nga puntatat Ana i kishte thënë: “E pacipë”.
“Fole ti për e pacipë, ti që ia plase cipën vetes, se Arjoni doli i nderuar që nuk kthehet më, po ti që ngele në Skype dhe lutesh për atë karrige moj e pacipë”, shkruan Shqipja.
Në një video ku shprehet në italisht, Arjoni ka thënë se Ana sërish gënjeu në deklaratat e saj të bëra në “Për’puthen”.
“E dija që do të thoshte ashtu, por nuk e kuptoj pse gënjen kur e vërteta është krejt ndryshe. Kam bërë gabimin më të madh të dashurohem me një vajzë si ti. Kam bërë gabimin më të madh që hodha poshtë një vajzë si Tea, që është shumë më e mirë se sa ajo”, tha Arjoni.
“Megjithatë i kërkoj shumë ndjesë familjes së saj, nënës dhe vëllezërve të saj për lëndimin që i kam shkaktuar, por gjërat nuk janë si i thotë Ana.
Ashtu si jua ka thënë juve, sepse unë i di gjërat tamam siç janë dhe do t’jua shpjegoj kohë pas kohe”, u shpreh më tej Arjoni.
“Bëra gabim shumë të madh që u dashurova me Anën. Nuk dua të flas shumë, sepse ashtu si ajo do ta flas në një tjetër zyrë. Ka shumë gjëra për të diskutuar. Familjes së saj, të afërmve dhe vëllezërve u drejtohem një falje”.
