Në orët e para të ditës, Shqipëria mbetet në dominimin e kthjellimeve në pothuajse gjithë vendin. Por kalime të pakta vranësirash do të ketë përgjatë kufirit lindor.
Sipas Meteoalb, në orët në vijon pritet të ketë kalime të lehta dhe të pakta vranësirash në të gjithë vendin, ku më të fokusuara do të jenë në verilindje.
Temperaturat e ajrit do të rriten ndjeshëm në mëngjes dhe në mesditë, duke luhatur vlerat ditore nga -1 gradë celsius deri në 16 gradë celsius.
Era do të fryjë e lehtë dhe mesatare me shpejtësi 35 km/h nga drejtimi jugperëndimor, duke krijuar në det dallgëzim 2-3 ballë.
