Tërmetet e fuqishme të ndodhura disa orë më parë kanë shkaktuar panik te njerëzit. Brenda 15 minutave u regjistruan 2 tërmete të fuqishme në Shqipëri. Intensiteti i tërmetit të parë ishte 7.5 ballë, shkalla Rihter 5.8. Dhe epiqendra ishte në Kepin e Rodonit, 1 km larg Durrësit dhe me thellësi 30 km. Nga tërmeti bëhet me dije se ka dhjetëra të lënduar, edhe pse fatmirësisht nuk ka të prekur rëndë. Ndërkohë, numri i dëmeve materialeve mendohet të jetë i lartë. Pasi banesa të shumta në Durrës, Tiranë por edhe qytete të tjera kanë pësuar çarje ose dëmtime.
Për këtë situatë të rëndë, ka ardhur një reagim edhe nga drejtuesi i Fundjavë Ndryshe, Arbër Hajdari. I cili nëpërmjet një postimi në rrjete sociale, bën thirrje që vullnetarët të ndihmojnë identifikimin e familjeve dhe banesave të dëmtuara. Kjo me qëllim krijimin e fondit të solidaritetit.
“Nga të dhënat e para dhe mesazhet e pafundme që kam marrë, tërmeti ka shkaktuar dëme të mëdha, në të gjithë Shqipërinë. Fundjavë Ndryshe i bën thirrje të gjithë vullnetarëve të saj, të identifikojnë familjet dhe banesat më të dëmtuara, me qëllim që të japim ndihmat e para. Në këtë situate të jashtëzakonshme për vendin tonë, i bëj thirrje të gjithë bamirësve, donatorëve, çdo shqiptari brenda dhe jashtë vendit të na bashkohen.
Do të krijojmë fondin e solidaritetit.
Lus Zotin të jeni të gjithë mirë.”
