Shqipëria ka arritur të marrë një fitore mjaft të rëndësishme përballë Turqisë me rezultatin 2-3 në Antalya. Edhe pse ishte një ndeshje miqësore ishte mjaft e rëndësishme për teknikun italian Panucci, sepse nga kjo ndeshje fillon epoka e tij dhe fillon të ndërtohet Shqipëria që ai ka në mendje. Golat në këtë sfidë u shënuan dy nga Sadiku dhe një nga Grezda, ndërsa për turqit shënoi Under dhe Akbaba. Vlenë të theksohet fakti që kuqezinjtë luajtën për më shumë se 50’ minuta me një lojtarë më pak pas ndëshkimit me karton të kuq të Memushajt.
Ndeshja filloi në ritme mjaft të larta për vendasit të cilët u hodhën në sulm dhe po na dominonin,por një shpërthim në krah i Odise Roshit bën që të vijë goli i parë. Ai depërton mjaft mirë në krahun e djathtë dhe pason në zonë për sodikun i cili nuk fal, por e dërgon në fundin e rrjetës. Pak minuta më vonë është i njëjti kombinim lojtarësh që sjell golin e dytë, por këtë herë Roshi kroson një top perfekt në zonë dhe është Sadiku sërish që e dërgon topin në rrjetë. Pas dyfishimit të rezultatit vjen edhe kartoni i dytë për Memushajn i cili do të lejë fushën e lojës. Pjesa e parë u mbyll në rezultatin 2-0 për kuqezinjtë.
Ndërsa në startin e pjesës së dytë Turqia organizon një sulm mjaft të mirë dhe arrinë të gjejë golin e parë dhe shkurtojnë diferencën me Under. Shpresat për të barazuar rezultatin shuan Grezda i cili shënon një gol mjaft të bukur dhe të vështirë. Pasi pozicioni ku u gjend pas stopimit që i bë Saiku ishte i vështirë për ta dërguar topin në rrjetë, por ai e gjen mënyrën dhe mposht Babaxhan duke gjetur golin e parë me ekipi kombëtar. Turqia nuk vonon dhe gjen golin e dytë me anë të Akbaba i cili sapo u inkuadrua në fushën e lojës, por mbeti me aq. Pasi ndeshja u mbyll me rezultatin përfundimtarë 2-3 në favor të kuqezinjve.
Armando Sadiku me dy golat e shënuar sonte ka arritur në kuotën e 11 golave duke parakaluar Igli Taren dhe duke barazuar Alban Bushin. Vlenë të përnebdet që Sabien Lilaj si i ftuar për herë të parë nga tekniku italian qëndroi në fushë për 85’ minuta dhe zhvilloi një ndeshje mjaft të mirë. Po ashtu kishte minuta edhe për Ajdareviç dhe Qakën, ndërsa Ramadani nuk është inkuadruar në fushën e lojës ndoshta pasi ishte i lodhur asi kishte luajtur 90’ minuta pak ditë më parë me ekipin Shpresa. Ndërsa probleme janë parë në mbrojtjen kuqezi e cila ishte shumë e hapur dhe nuk jepte shumë garanci, por që në fund ia dolën të mbronin rezultatin dhe të festonin edhe pse me 10 lojtarë.
