Sot në media u publikua lajmi se Visho Ajazi është propozuar nga kryeministri Edi Rama si ambasador i vendit tonë në NATO. Ky lajm ka shqetësuar shumë opozitën sipas gazetarit Mero Baze. Në një editorial që u publikua sot, Baze thotë se ish-kryeministri Berisha dhe e gjithë opozita i trembet asaj që ndodhi sot por dhe mënyrës dhe qetësisë me të cilin Edi Rama menaxhoi dorëheqjen e Ajazit dhe akoma më shumë qetësia me të cilët partnerët ndërkombëtar sidomos SHBA priti largimin e tij. Baze shkruan se opozitarët bërtisnin për represion, por brenda tyre ndjehej depresioni që kishin nga ideja se binte erë “tradhti”.
Baze: Emërimi i Visho Ajazit si ambasador i Shqipërisë në NATO, po ka forcuar paranojën e opozitës, se ai është kthyer në një bashkëpunëtor të Edi Ramës në kulmin e akuzave për represion ndaj tij, për shkak të denoncimeve kundër trafikut të drogës në Shqipëri. Qetësia me të cilin Edi Rama menaxhoi dorëheqjen e tij dhe akoma më shumë qetësia me të cilët partnerët ndërkombëtar sidomos SHBA priti largimin e tij dhe emërimin e zëvendësit të vet, rriti agresivitetin e opozitës e cila realisht i trembej kësaj që ndodhi sot. Ata bërtisnin për represion, por brenda tyre ndjehej depresioni që kishin nga ideja se binte erë “tradhti”.
Baze shkruan se Rama e ka emëruar ambasador, por duhet të dekretohet nga Ilir Meta dhe duhet të mos shahet nga Berisha. Është thjeshtë një përpjekje për ta kaluar Berishën nga “gjendja e represionit” për të cilën fliste për Ajaznin, në atë të depresionit. Nga ana tjetër Ilir Meta është sot në pozicionin e Bujar Nishanit kur po Edi Rama i propozoi dy vjet më parë, emërimin si ambasador në Vatikan të Visar Zhitit.
Tërbimi i Berishës dhe Nishanit në atë kohë ishte aq i madh ndaj një ish të burgosuri për fjalën e lirë në kohë të komunizmit, sa e trajtuan si një armik të Partisë Demokratike edhe pse e kanë pasur anëtar të kryesisë së PD, deputet dhe ministër të saj. Dhe e çuan deri në fund betejën. Jo vetëm që nuk e dekretuan Zhitin, por shpifën dhe ndaj tij si “bashkëpunëtor i Sigurimit të Shtetit”.
Edi Rama po argëtohet me këtë histori duke tentuar të deligjitimoj çdo gjë që Berisha dhe kundërshtarët kanë folur në emër të SHISH këto vite. Por dhe të vërë në provë presidentin e ri që të mos i ngjaj Bujar Nishanit. Të tejkaloj së paku standardin e një presidenti, që egërsohej më shumë nga “tradhtia” ndaj Berishës se sa nga tradhtia ndaj Atdheut. Është thjesht diversion, jo represion. Por Berishën e ka futur në depresion.
